Электронлă вулавăш

Ĕçкĕç

Унран пит тĕлĕнмелле:

Вăл ĕçет шав йӳççине:

— Ку, тет, шерпет евĕрлех, —

Тек ыйтать çине-çине.

Ятлаçакан

Çынпала кам ятлаçать,

Вăл вĕреннĕ калаçма,

Вĕренмен вара пачах

Пуçĕпе шухăшлама.

Ăмсанакан

Кирек те мĕнле ĕçре

Хайĕнчен иртекене

Вăл пӳлсе çӳре-çӳре

Хăварать тек хӳрере.

Камит кăтартакан

Камит курăн тем чухлех

Театра кайсан ялан.

Курать Нина килĕнчех,

Мăшăр ӳсĕр таврăнсан.

Тамада

Çав хаваслă этемкке,

Тăр шыв ĕçес килсенех,

Аллипе тытать черкке,

Тост калать çине-çине.

Чĕлхе мăка пулсан

— Ку писателĕн чĕлхи

Мăкарах-çке, — тет пĕри.

— Шĕвĕр пуçлă ун туфли —

Çивĕчлетĕ, — тет тепри.