Ылтăн сăрăпала сăрламашкăн пуçларĕ...
Ылтăн сăрăпала сăрламашкăн пуçларĕ
ман умри шур хута тараватлă хĕвел.
Уçăлать пек ăшчик: йывăр тунсăх, шĕвел!
Сан пăрна шарт! çурса, халь утать сăвă çарĕ.
Çыхăн, ылтăн кĕлте, хывăн, ылтăн çĕмел:
йăлкăшинччĕ пĕрмай ĕçлĕ кăмăл кăварĕ.
Чĕрере çуркунне ахальтен-им юрларĕ?
Ĕçĕм пытăр ăнса, пурнăç пултăр тĕкел.
Чи хавас ĕмĕтрен вăй илен сăмахсем
кĕлтуни пек анчах илтĕнсен, хăш чухне
шухăша сӳлетен туйăмсем çуралаççĕ.
Тĕлĕнетĕп шалтах тепĕр чух, тăвансем:
кам пытарнă хĕвел савнă тусăн чунне?
Сивĕре те ачаш чечексем çурăлаççĕ!
Шухăшсем
Питĕ чуна пырса тивекен сăвă...
Ĕлĕк , вуншар çул каялла , тейĕпĕр , вул...
Пĕр калаврах ĕç-пуçĕ целăй романлăх !!!
Мана питĕ килĕшрĕ...
Вуланă ...
Енчен те " кĕрхи кунсем иртмеççĕ кăлăх"п...
Тем, сăвăн тĕллевне ăнланаймарăм, каçарă...
Ара , криминал та ку ! Çавăнпа та КУЛĂШЛ...
"Виççĕмĕш страница çитсен сасăпах кулкал...
Питĕ килĕшрĕ ...