Пĕчĕк çуралнăшăн каçарăр, господасем!
Çут тĕнче — аслă!
Эпĕ — пĕчĕк…
Килтен тухиччен эпĕ çакна ăнланман та.
Пӳрт урати урлă каçса пĕр утăм тăватăп çеç — мана шăрчăксем те сывлăх сунаççĕ.
Ĕнер çĕр çырли «садĕнче» уçăлса çӳрерĕм — Африкăри джунглири пек çĕтсе кайрăм.
Пăхатăп — чакак вăрă чаклатса илчĕ те чана чĕпписен ушкăнне ертсе килчĕ. Вĕсене салтаксем пек йĕркипе тăратса тухрĕ. Çак эшкер çырла йăранне тасатма тытăнчĕ.
Эпĕ тӳрех сарлака купăста çулçи айне чăмрăм.
Кусем, курсан, чĕррĕн çисе ярĕç — выç кашкăрсем!
Выртатăп купăста çулçи айĕнче чĕтресе. Чĕлхе çинчех — усал сăмахсем…
Кăравул!
Ял çыннисене, халĕ хуларан вăхăт-вăхăтăн (тырă акнă-вырнă чух, аш-какай хатĕрлесе çитерсен) килсе çӳрекен виçĕ пуслăх «ырă тăвакансем» çаратнă евĕр, тĕп тăвать çырла анине чана чĕпписен ушкăнĕ.
Купăста çулçи айĕнчи хӳтлĕхрен лайăххи ним те çук…
Чăнах, селĕм пĕчĕк çын пулма!
Çапла мар-и, господасем!
Шухăшсем
1st place on Google for your keywords...
Wish to ride the crypto wave but lack ti...
Are you looking to refine your currency ...
I recently tried https://cbdforlife...
In manufacture cannabis growers are spoi...
Exasperating CBD gummies https://discove...
Паян журналта пуçламăшне вуласа ...
Мама ак çак произведени килешрĕ
Пĕчĕк калаврах пĕтĕм пурнăç ...
Шухăшсем уйрăма спамсем те тултараççĕ ку...