Хула сачĕ

Николай Теветкел | Сăвă | 360


Чăшăл-чăшăл саслă хула сачĕ,

ярăм-ярăм ешерен чечек...

Çакăнта каç-каç эпир тухсаччĕ,

асăмрах вăл сиçĕм йĕрĕ пек.

 

Иксĕлми çăлкуç пек çутă кăмăл

сарнăçемĕн ĕмĕт çунатне,

пурăнма та, юратма та çăмăл —

туртăнатъ чĕре телей патне.

 

Халь çакна куллен асаилӳçĕн,

эп илтетĕп инçетри кĕвве:

кăкăрта паян та çамрăк ӳсĕм,

тӳпере — вун çиччĕри хĕвел!

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: