Чечек евĕр шанчĕ шанчăк

Николай Леонтьев | Сăвă | 503


Çĕн хыпар, ялпа паллашнăн,

Черетлерĕ пур киле:

Сăрапа-мĕн сыв пуллашнă

Куштан чунлă Пурхиле.

 

Пурнăç лăпкă, пурнăç мирлĕ —

Вăр-хурах таврашĕ çук.

Мăн çăра мĕне-ха кирлĕ

Çĕнĕ пурнăç тунă чух?

 

— Пурхиле-и? Хыт кукар-и? —

Тет юлташăм йăл кулса. —

Анăçран хĕвел хăпарĕ

Ку хыпар чăнах пулсан!

 

— Тĕрĕсех пуль, — тетĕп эпĕ, —

Чĕлхӳне кăштах чарсам...

Пĕр ирпе пырса кĕретĕп

Пурхиле килне эп хам.

 

Чечек евĕр шанчĕ шанчăк

Çук пулин те мăн çăра:

Алăк умĕнчи шур анчăк

Карăнтарчĕ сăнчăра.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: