Утăм


Утас пулать. Тăрса пĕр вырăнта

Хăв кăмăлна нимпе те çĕнетеймĕн.

Ларса мăклантăр ватă тунката —

Хусканура пулас пулать этемĕн.

 

Утас, утас. Хытса тăраканни

Пăрахăçа, кирлĕ мара çеç юлĕ.

Утас пулать — чи лайăххи, çĕнни

Сана пулас пурнăçунта тĕл пулĕ.

 

Утас — хавхаланса та савăнса,

Утта çĕнеймĕ ватăлăх та хурлăх:

Шăнкăртатман шыв ларĕ пăнтăхса,

Шăнкăртатман шыв — тăрă мар,

Вăл — шурлăх.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... »
Хаклав:
Шухăшĕ:
Чĕлхе илемлĕхĕ:
Содержанийĕ: