Çĕн кунăн телейне шанатăп
...эй, çĕнĕ кунăм,
Каялла ан кай, ан чак!
Çеçпĕл Мишши
Çĕн кунăн телейне шанатăп,
Тăратăп уншăн ĕç умне.
Куллен ырмасăр шăрçалатăп
Çĕн укапа ун çĕн тумне.
Çĕн кун телейĕшĕн кашлатăр
Эйпет тыр-пул уй-хирсенче,
Хĕвел саркаланса ташлатăр
Çап-çутă, хăтлă пӳртсенче.
Çĕн кун телейĕшĕн вутлантăр
Йăм хĕрлĕ мăкăнь пахчара.
Вăрман çинче шевле вылятăр,
Хунатăр пулă вăлчаран.
Çĕн кун телейĕшĕн юрлаччăр
Тĕнче илемĕ — кайăксем.
Тӳпе анийĕнче пуçлаччăр
Хаваслă вăйă çăлтăрсем.
Çĕн кун телейĕшĕн юраттăр
Савни хăй чунĕ савнине.
Çĕн кин сăпка юрри юрлатăр
Сиктернĕ май хăй пепкине.
Шухăшсем
План можите пожалуйста написать
Большое спасибо! Это является потрясающ...
Вау, привлекательно веб-сайт...
Вау, привлекательно веб-сайт...
Вау, привлекательно веб-сайт...
Вау, привлекательно веб-сайт...
Вау, привлекательно веб-сайт...
Питĕ чуна пырса тивекен сăвă...
Ĕлĕк , вуншар çул каялла , тейĕпĕр , вул...
Пĕр калаврах ĕç-пуçĕ целăй романлăх !!!