Кĕсле ту çинче
Я.Ухсая
Поэтăн вил тăпри-им çакă ту —
Çак чăнкă кăкăр евĕр Кĕсле ту?
Талант ялан пĕччен тесе, пиччем,
Кунта та пулас терĕн-им пĕччен?
Сана эп пытарма пыман, Ухсай, —
Халь уншан пăрахам-и вак укçа:
Леш тĕнчере те çутăра çӳре,
Ӳре хур кайăк пек малта çӳре.
Сар хĕвелпе хура çĕр сăвăçи,
Хура çĕр пултăн та, хĕвеллĕ çил
Ту çийĕн вăхăта тек хăвалать —
Ак эс вилни те ултă çул тулать.
Тĕнче йĕрки, тăванăм, çаплалла:
Мĕн илнине йăлтах хăвармалла.
Апла мĕн-ма çакна пĕле тăркач
Каяс чухне пĕр вĕçĕм ăш вăркать...
Вилсен те пурăнасшăн-çке этем —
Ĕçе-хĕле сум хурасса кĕтен.
Ан пăшăрхан, Ухсай пичче, тĕнче
Сана картать талантлăх шутĕнче.
Çак таврари тусем пĕр тан пулсан,
Шур ту, мăнаçлăху чакатчĕ сан.
Ан çилленсемĕр, тантăш поэтсем,
Эпир Ухсай çурри те çук тесен.
Поэт ятне илтмешкĕн халь ансат,
Çӳп-çапă хăпарать кăпăкланса.
Юрăçисем юр пĕрчинчен нумай,
Сăвăçисем çерçисенчен нумай.
И çил вĕрет, вĕрет... и çил вĕрет,
Кĕсле тăва ыталаса йĕрет.
Шухăшсем
Hiring https://contractorfinder...
Hiring https://contractorfinder...
Ĕлĕк , вуншар çул каялла , тейĕпĕр , вул...
Пĕр калаврах ĕç-пуçĕ целăй романлăх !!!
Мана питĕ килĕшрĕ...
Вуланă ...
Енчен те " кĕрхи кунсем иртмеççĕ кăлăх"п...
Тем, сăвăн тĕллевне ăнланаймарăм, каçарă...
Ара , криминал та ку ! Çавăнпа та КУЛĂШЛ...
"Виççĕмĕш страница çитсен сасăпах кулкал...