«Çĕртме уйăх пĕтмĕшĕнче...»

Анатолий Ыхра | Сăвă | 341


Çĕртме уйăх пĕтмĕшĕнче

Ытла та капăр-çке тĕнче.

 

Мăн Атăл хумханмасть пачах,

Нихçанхинчен вăл лăпкăрах.

 

Урам — ем-ешĕл кĕнеке,

Çăка çеçки вулать пике.

 

Сĕнтĕрвăрри хутлăхĕнче

Нихçанхинчен хитре тĕнче.

 

Сĕнтĕрвăрри

мĕскер вăрлать?

Сĕнтĕрвăрри-мĕн шыв вăрлать.

 

Ман вăрă куçăм

мĕн вăрлать?

Ман вăрă куç илем вăрлать.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: