«Каçхи тӳпере хур кайăк сасси...»

Сăкăт Ванькки | Сăвă | 2001 | Пукрав | 417


Каçхи тӳпере хур кайăк сасси —

Нумай та юлман Пукрав çитесси.

Çĕрле те вĕçеççĕ вĕçен кайăксем,

Анчах та юлаççĕ кунта йăвисем,

Çӳл-çӳл тӳпери хур акăш çулпе

Вĕçеççĕ вĕсем ирччен çĕрĕпе.

Сасси хуйхăруллă çĕрле уйрăмах

Сасне та параççĕ чĕнсе тăтăшах:

— Юлать тăван çĕр, шыв-шур та çерем, —

Тенĕн илтĕнет пур сас тӳперен, —

Каятпăр, килетпĕр çитес çуркунне,

Сыв юлăр, сыв юлăр, — кĕрет чĕрене.

 

Юпа, 2001

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: