«Кашни каçах тухатăп та куратăп...»

Юхма Мишши | Сăвă | 1957 | хурăн | вĕрене | 522


Кашни каçах тухатăп та куратăп

Пĕччен ларан çап-çапрăк хурăна.

Куçне шăлса макăрнине туятăп,

Чунтан-вартан шеллетĕп эп ăна.

 

Çуркуннепе кăна унта ӳсетчĕ,

Пĕр вĕрене хавассăн кашласа.

Шур хурăна савса алне çупатчĕ,

Кашни ирех савса-саламласа.

 

Усал çилсем таçтан килсе вĕрсессĕн,

Хăй пĕвĕпе хӳтлетчĕ вĕрене.

Йывăрлăхра пĕри пуçне пĕксессĕн,

Тепри ăна паратчĕ хăй вăйне.

 

Анчах çулла инкек килсе, ав, тухрĕ,

Такам кăкларĕ çак вĕренене.

Çавăнтанпах пĕччен ларать çав хурăн,

Çавăнтанпах тăкать вăл куççульне.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем