Пулать пуль


Савăк Сантăр пахчана

Акрĕ пĕр йăран кăшман.

Шăтсан сивлет Ульяна:

— Кăшман мар вăл, йӳç мăян.

 

Ку çапла-ши?

Апла мар-ши?

Пулать пуль çав, пулать пуль:

Кăшмантан та йӳç мăян,

Хăш-пĕр арăм каласан.

 

Лартрĕ Сантăр урама

Çуркунне чипер палан.

Ульяна пуçлать хăртма:

— Палан мар, тет, вăл шăлан.

 

Ку çапла-ши?

Апла мар-ши?

Пулать пуль çав, пулать пуль:

Паланран та тип шăлан,

Хăш-пĕр арăм каласан.

 

Пĕрре кайрĕç хулана.

Калать Сантăр: Шупашкар.

Ульяна сивлет ăнă:

— Шупашкар мар, ку Шашкар.

 

Ку çапла-ши?

Апла мар-ши?

Пулать пуль çав, пулать пуль:

Шупашкартан та Шашкар,

Хăш-пĕр арăм каласан.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... »
Хаклав:
Шухăшĕ:
Чĕлхе илемлĕхĕ:
Содержанийĕ: