Кĕтни


Пĕррехинче, шур шуçăмлă ирпе,

Хĕрӳллĕн чуп туса çапла каларăн:

«Тĕл пулăпăр. Шансам чун-чĕрӳпе...»

Çулсем юпленессе ун чух туймарăм.

 

Çав уйрăлу амантрĕ ман чуна.

Сана кĕтсех шуралчĕ ĕнтĕ

пуçăм.

Каларăн та — тытмарăн сăмахна,

Кашни ирех пĕччен килет, ав, шуçăм.

 

Эппин, сана кĕтни те кăлăхах.

Вун çул çĕтсе мĕнле савни çӳретĕр?

Качча та тухрăн пулĕ юратсах,

Хальччен ачу-пăчу та сак тулли-тĕр?

 

Апла юрат, асрах тыт савнине.

Мĕн тăвăн, вун çулра нумай

шыв юхнă.

Текех асаилтермĕп иртнине,

Тен, пуласси те пит сахал-тăр юлнă?

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... »
Хаклав:
Шухăшĕ:
Чĕлхе илемлĕхĕ:
Содержанийĕ: