Б. Тихонов-Борлена


Тавах, сăмахлăх шур сухалĕ!

Сана паллать чăваш тĕнчи.

Пурнать йăх-ташăмсен вăй-халĕ

Ĕçчен поэтăн чĕринче.

Хусанкаях сана пил панă

Курса тивлетлĕ ăстана.

Пăла та Слак чунна çутатнă,

Çутатăн пирĕн ăс-тăна.

Сăввусемпе ырра мухтарăн

Тăван поэзи пахчинче…

Сахал-и шур хута хуратрăн,

Сассу чăвашăн чĕринче.

Иртет кун-çулăмăр куссийĕ

Ĕç-хĕллĕ пурнăç кĕввинче.

Вышкайсăр ĕçĕрĕн уссийĕ

Тăван та тус кĕрекинче.

Çук, ахаль мар, тăван, юрларăн,

Митта Ваçлейĕ калашле.

Эс халăха савса юратрăн,

Хун, пăлхар çĕрĕн таврашне…

Ватти-яшши пĕрле утсассăн

Çак çутă тĕнчере пĕрмай

Хăватлă пулĕ пирĕн сасă

Малашлăхра хастар утма.

Вулавçăсен шухăшĕ Вулавçăсен шухăшĕ


Станьял (2022-04-08 09:51:50):

Тавах паттёр Борлена мухтанёшён.Асра яланах иксёр те!

 

Agabazar (2022-06-22 16:24:12):

Борлен «Сувар» редакторĕ пулнă Сорокинпа та (леш «халăх çыравçи ятшăн хĕрĕнсе çӳрекеннипе) кĕрешсе пăхрĕ.

Содержанийĕ: тарăн

 

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... »
Хаклав:
Шухăшĕ:
Чĕлхе илемлĕхĕ:
Содержанийĕ: