Ăнлан

Каплех кая юлса эп çитрĕм сан патна...

Каçар, анчах сăлтавĕ те пит пысăк.

Ĕнен, туман ятарласа нихçан çакна,

Шăпа тени ытла та пирĕн кăсăк.

Пуçра тĕллев пулсан, ĕç-пуç çинчен манса,

Тĕлпулăва çунат пур пек васкатăп.

Анчах мĕн тăвăн — çул çинче мана тытса

Чаракантан епле-ха иртсе кайăп?

Çула тухсан, хăйса чĕнсе илекене,

Е метрора кĕтмен çынна курсассăн,

Васкан пулсассăн та, ун чун ыратăвне

Хăвăнни пек куран, этем пулсассăн.

Кала, епле кая юлмасăр эпĕ çитĕп,

Çын нушинчен тарма пĕлмесп пулсан?

Çитсен те сан пата, асапланса эп çунăп, —

Епле-ха савăнăп чуна асап пуссан.

Теприн ыратăвĕ. Çапла, ман мар.

Анчах

сисмесĕрех вăл ман пулса тăрать.

Унтан май çук пулсассăн пулăшма пачах

Чуна айăпсăрах айăпласа кăшлать...

Çĕнĕ комментари хуш