Шурă юр йывăрлăхĕ

Алина Тайпи | Сăвă | 383


Шурă юр йывăрлăхĕпе

Улмуççийĕ туратти

Усăннă çĕре çити.

Пурнăç йывăрлăхĕпе

Хура çӳçĕм шуралчĕ,

Çамрăк пуçăм усăнчĕ.

 

Хĕл иртĕ те кайĕ вăл,

Савăк çуркунне килĕ:

Шурă юрĕ ирĕлĕ.

Улшăнĕ шухăш-кăмăл,

Хуйхă-суйхă манăçĕ,

Вăхăт — маншăн сиплевçĕ.

 

Улмуççийĕ пĕркенĕ

Çуркунне илемĕпе:

Шап-шур чечек çеçкипе.

Ман чун-чĕрем суранĕ

Пирченĕ çуркуннепе,

Йăл-йăл хĕвел куллипе.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: