«Сар хĕвел! Ăмсанатăп сана...»
Сар хĕвел! Ăмсанатăп сана:
Савнине ăшшуна параятăн.
Савнине ăшшуна параятăн,
Шевлӳне ун çине яраятăн.
Çил ачи! Ăмсанатăп сана:
Савнине тутинчен чуп тăватăн.
Савнине тутинчен чуп тăватăн,
Ун çӳçне юратса ачашлатăн.
Юр пĕрчи! Ăмсанатăп сана:
Савнине сĕртĕнсе кăтăклатăн,
Савнине сĕртĕнсе кăтăклатăн,
Куç харшийĕ çине лараятăн.
Çăлтăрсем! Ăмсанатăп сире!
Савнине каçсерен кураятăр.
Савнине каçсерен кураятăр,
Тен, кампа ларнине те сăнатăр.
Шухăшсем
Миçе çын пăхнă е вуланă ? 647 ...
Питĕ чуна пырса тивекен сăвă...
Ĕлĕк , вуншар çул каялла , тейĕпĕр , вул...
Пĕр калаврах ĕç-пуçĕ целăй романлăх !!!
Мана питĕ килĕшрĕ...
Вуланă ...
Енчен те " кĕрхи кунсем иртмеççĕ кăлăх"п...
Тем, сăвăн тĕллевне ăнланаймарăм, каçарă...
Ара , криминал та ку ! Çавăнпа та КУЛĂШЛ...
"Виççĕмĕш страница çитсен сасăпах кулкал...