Пытарни


Коммунизм хĕрлĕ ялавне

Чун тухиччен çĕре ӳкермен.

Çеçпĕл Мишши

 

Хурланатпăр.

Çемçелен кăмăла

шăл çыртса хытаратпăр.

Шăп пыратпăр.

Йывăр сывă чуна!

 

Мучие юлашки хут çула ăсататпăр,

мучие ялĕпех чыс туса пытаратпăр,

пытаратпăр — Çынна.

Пичĕ шурă,

 

çĕнĕрен вăранаймĕ унта уçă кулă,

ĕнĕ урăх

çунас çук хĕрелсе...

Тупăкра... хускалми... Чуна çывăх

салхулăх,

чуна çывăх сăпайлăх, таса ыратулăх

çухалать тĕлкĕшсе.

Пĕтереймĕ,

 

тĕппипех пĕтереймĕ

шăнтса сивĕ вилĕм,

çук, çĕртеймĕ

унăн чаплă ятне.

Чĕнтĕрленĕ тупе хальхиллех

илĕм-тилĕм,

 

хальхиллех ăна ăшшăн кашни аса илĕ,

мухтаса кун-çулне.

Урасемсĕр

тăрса юлнă пулин те çĕршывшăн,

Мускавшăн

вăл ӳкмесĕр

утнă халăхпалан.

Агрономччĕ. Хура тăпрари

вăй-хăватшăн,

 

ĕçченсен йышĕнчи çураçуллă

хускавшăн

пурăнатчĕ ялан.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... »
Хаклав:
Шухăшĕ:
Чĕлхе илемлĕхĕ:
Содержанийĕ: