Урампа пике пырать

Аркадий Русаков | Юрă | 483


Пырать пике урамра,

Акăш евĕр ярăнса.

Çулăм тухрĕ чунăмра,

Тăтăм эпĕ чарăнса.

Хушса юрламалли:

Ах, пике! Сар пике!

Акăш евĕр чиперкке!

Ма эс тухрăн ман ума?

Пăлхантартăн чунăма.

 

Сăмах хушрăм эп хĕре:

— Паянран ман чĕрере

Эсĕ çеç пĕртен-пĕрре!

Сан пекки çук тĕнчере!

 

Йăлтăр-йăлтăр кулăпа

Сăмахларĕ, ак, хайхи:

— Ут эс хăвăн çулупа:

Манăн каччă — урăххи.

 

Пирĕшти пек сар пике

Утрĕ-кайрĕ малалла.

Йăл кулмарĕ вăл текех,

Калаçмарĕ манпалан.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: