Кĕт — пыратăп Тюмене

Çĕпĕрти сив Тюменьрен

Эс çырмастăн темĕнрен

Пĕр çыру та ман пата.

Чăтăм пĕтрĕ, тупата.

Ман сана курас килет!

Самолет çине билет

Паянах кайса илеп —

Тюмене пырса çитеп!

— Ан ыраттăр манăн пуç!

Чĕрӳне, тархасшăн, уç, —

Тесе калăп эп сана,

Хулунта тĕл пулсанах.

Мĕн хуравлăн эс — пĕлмеп.

Анчах, пĕлтĕм-тĕк килме

Сан патна юратупа,

Киленетĕпех унпа!

Çавăнпа мана кĕт эс,

Хатĕрле улах кĕтес.

Эп сана çак тĕнчере

Çухатмастăп, пурпĕрех!

Çĕнĕ комментари хуш