Мăшăрăма


Вĕçеç кайăксем паррăн-паррăн,

Кĕрлет çутçанталăк умра.

Утатăп санпа юнашаррăн,

Туятăп — тĕреклĕх çумра.

 

Пурнан пурнăçа шĕкĕлчетĕп —

Хури нумайрах е шурри?

Сăнра — пирĕн пурнăç пичечĕ,

Телей — пирĕн пĕрлĕх пурри.

 

Пулнах пурнăçра ăнланманлăх

(Çуратнă пире ик анне),

Ăс панă Турри каçармалăх,

Тĕреклĕ ачамăр — парне.

 

Вĕçеç кайăксем паррăн-паррăн,

Кĕтрет çутçанталăк умра.

Пуласчĕ ялан юнашаррăн, —

Телей хуçалантăр чунра.

Çавăн пекех пăхăр

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... »
Хаклав:
Шухăшĕ:
Чĕлхе илемлĕхĕ:
Содержанийĕ: