«Ун чухне саркайăксем юрлатчĕç...»

Юхма Мишши | Сăвă | 2007 | 426


Савнă мăшăра

 

Ун чухне саркайăксем юрлатчĕç,

Çутататчĕ уйăх тӳперен.

Чĕресем пĕр харăссăн тапатчĕç,

Эс мана саватăп тенĕрен.

 

Унтанпа çур ĕмĕр ытла иртрĕ,

Ватлăх килсе ларчĕ пӳрт умне.

Мăнук хĕрĕ хăнана ак çитрĕ

Хăй саван ламтайĕсем патне.

 

Кур, çаплах саркайăксем юрлаççĕ,

Çутатать çут уйăх тӳперен.

Чĕресем пĕр харăссăн тапаççĕ

Пĕр-пĕрне саватпăр тенĕрен.

 

02.01.07

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: