Кăнтăра каяс килет

Аркадий Русаков | Юрă | 489


Тăрнасем вĕçеççĕ кăнтăра

Виç кĕтеслĕ шавлă ушкăнпа.

Чи малта çулпуçĕ йыхăрать

Васкама янравлă сасăпа.

 

Хушса юрламалли:

Кăнтăр, кăнтăр, ах, ăçта-ши эс?

Сан патна епле çитсе ӳкес?

Инçетре-çке, эсĕ, аякра:

Шыв-ту урлă ăшă çĕршывра.

 

Кăнтăрта — ем-ешĕл курăксем.

Ăшăтать хĕвел те кашни кун.

Йывăç тăрринче упăтесем

Сиккелеççĕ, çуйхашса, ун-кун.

 

Сарă хăйăр тинĕс хĕрринче

Илĕртсе выртать шыва кĕме.

Ярăнас килет хумсем çинче!

Дельфинпа ман кăмăл пур ишме.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем