Тăван тавралăх

Иван Малкай | Сăвă | юрра хывнисем | 406


Ытарми тăван тавралăх, 

Куç тулли кунти илем! 

Мĕн чул хурăнлăх, йăмралăх, 

Кӳлĕсем, юхан шывсем. 

 

Мĕнле çын-ши хĕпĕртемĕ 

Ешĕл тумлă садсенче. 

Чун-чĕре мĕнле çĕкленмĕ 

Туслă халăх çемйинче! 

 

Ăшă, çутă пур çĕрте те, 

Пур кĕтес те ешерет. 

Пуринпе те киленетĕп, 

Кăмăл савнăçпа хĕрет. 

 

Эх, çĕршыв! Тăван тавралăх, 

Куçăмран кайми сăнсем. 

Шурă хурăнлăх, йăмралăх —

Юмахри пек вырăнсем.

Çавăн пекех пăхăр

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: