«Шăпа урхамахĕ çук пĕлĕт çинче...»

Юхма Мишши | Сăвă | 2007 | 441


Шăпа урхамахĕ çук пĕлĕт çинче,

Ăна утланма та, кӳлме те пит йывăр.

Этем ăраскалĕ çӳл ту тăрринче,

Унта утмалли çулĕ-йĕрĕ те тăвăр.

 

Епле шырасан та телей-ăраскал,

Кашни çын çӳл ту тăррине хăпараймĕ.

Телей пулмасан пурнăç пымĕ кал-кал,

Шăпа-урхамах чĕлпĕрне çын тытаймĕ.

 

Туссем, пурпĕрех пуçсене усар мар,

Ĕçлер те ĕçлер, кулянни хыçа юлтăр.

Кашни çутă куншăн чунтан савăнар,

Телей-ăраскал тупăнни çакă пултăр.

 

11.03.07

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: