«Лăпкă каç...»

Любовь Шашкина | Сăвă | 310


Лăпкă каç. Шурă юр

Тăкăнать çĕр çине.

Ан калаç. Эсĕ кур

Юр пĕрчи ташшине.

 

Юр ӳкет пит çине

Çунтарса çулăмпа.

Эс кашни пĕрчĕне

Пуçтарсам тутапа.

 

Тен, эпир те санпа

Шурă мамăк пулар,

Çак асамлă вăйпа

Пĕрлешсе çаврăнар.

 

Сан хура куçсенче

Пур илемлĕ хăват.

Шурă юр айĕнче

Эс мана ан çухат.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем