«Çĕмĕрт тĕслĕ куçсене...»


Çĕмĕрт тĕслĕ куçсене

Пĕр самант та манаймастăп.

Сан çинчен ялан шутлап.

Чĕрери туйăмсене

Хут çине кăлараймастăп,

Çав кӳрет мана асап.

 

Тĕксĕм каç çак пӳлĕмре

Шур хута эп варалатăп

Пушă сăмахсем çырса.

Эрнерен иртет эрне,

Саншăн çеç эп тунсăхлатăп,

Вăрттăн куççуле шăлса.

 

Мĕн çырни — йăлтах суя:

Сăмахпа уçса калаймăн

Чĕрере мĕн пуррине.

Пурпĕр манмăп эп сана.

Çутă ĕмĕтĕм эс манăн,

Чун çунтармăш ĕмĕрне.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... »
Хаклав:
Шухăшĕ:
Чĕлхе илемлĕхĕ:
Содержанийĕ: