Çĕнĕ çул каçĕ

Алексей Аттил | Сăвă | Çĕнĕ çул | 336


Урамра уяр. Клубра — тăман.

Ал çупни тăрать янăраса:

кам кăçал ĕçре юлхав пулман,

чыс тăваççĕ парнесем парса.

 

Çĕнĕ çул хавасĕпе çиçсе

ларакан çуртсен çутисенче

вĕлкĕшеççĕ те пас йĕпписем

çухалаççĕ каç сĕмлĕхĕнче.

 

Ушкăнăн сăпайлă ĕçченсем

салансан, çитсен хапха умне,

чарăнса итлеççĕ çăлтăрсем

шăппăн-шăппăн шĕнкĕртетнине.

Çавăн пекех пăхăр

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: