«Çунать шап-шурă çутă...»

Алексей Аттил | Сăвă | 357


Çунать шап-шурă çутă.

Айкашнă кĕвĕре

халь çемĕ пур-и, çук-и —

çутта ку пурпĕрех.

 

Ачам — ачашланаймăн.

Вăл — çутă. Эсĕ — чун.

Лăплан, пуçа пин майлă

пин шухăш хĕснĕ чух.

 

Тавра пăхса эс хаклă

ăслăлăха вĕрен:

чунра çăтмах та, тамăк та —

алра тыт чĕлпĕре.

 

Енчен те çутçанталăк

халь саншăн хаклă мар —

иртсе пырать ачалăх,

умра — ачалăх мар.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: