«Кĕрех, кĕрех...»

Алексей Аттил | Сăвă | юрату | кĕркунне | 412


Кĕрех, кĕрех,

килех, тĕпелелле иртех.

Кĕпи — кĕрен.

Вăрман

кĕрен — октябрьте!

Эй, кĕркунне!

Мартра килсе эс ман пата

кунне-çĕрне

пăтратăп терĕн-им тата!

Пăтрат, васка,

тустар,

шикленмĕп тăвăлран.

Чунри каска

пĕр хускалсан, тен, çăмăлрах!..

Тен эс çĕрле

сĕм вăрмана тухса утма

чĕнен хĕрле

пăшăлтатасшăн пуль: «Ух-мах».

Йăлт сан пекех

пуçне çухатнă юрату.

Каях, пике,

мĕн парĕ санăн пĕр яту!..

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: