Электронлă вулавăш

Икĕ хутлă йывăç çурт,

Çав çурта пĕлмен çын çук,

Яковлев ăсчах халалĕ

Илтĕнет асамлă халĕ:

Чыс, мухтав чĕлхемĕре,

Пурăн ĕмĕр-ĕмĕрех.

Килĕшӳ килте пулсан

Пурнăçу та ăнĕ сан,

Кĕвĕçӳ чунна ан çитĕр,

Пысăк вырăна та çитĕн.

Чыс, мухтав чĕлхемĕре,

Пурăн ĕмĕр-ĕмĕрех.

Ытлă-çитлĕ ăс пухсан,

Чăннипех чапа тухсан,

Теприне те пулăшсамччĕ,

Çул уçса ăна парсамччĕ.

Чыс, мухтав чĕлхемĕре,

Пурăн ĕмĕр-ĕмĕрех.

Савăнăçлă вăхăтра

Тав тусамăрччĕ Турра,

Пӳлĕхçĕ пире ан мантăр,

Çĕр çинче чăваш упрантăр.

Чыс, мухтав чĕлхемĕре,

Пурăн ĕмĕр-ĕмĕрех!