Тăван тĕнне хĕстернине пула...

Тăван тĕнне хĕстернине пула

Чылай чăваш тарать ăстампула.

Тутар ятпа çӳрет пуçне хырса,

çапла ун несĕлĕ ларать хăрса.

Вăл-ку тарам.

Эпир пĕтсех çитмен,

чăваш тени те çĕр çинчен çĕтмен.

Çапла çаптарнă шухăшсампала

вĕçсе çитеп çап-çут ăстампула.

Ĕшеннĕ самолет чарнать чупса,

пĕр харăссăн яратпăр ал çупса.

Портри хĕвĕшӳре пĕр пуç курнать,

«Чăвашистан!», – тесе вăл кăшкăрать.

Кунта паян эп

кĕтнĕ тус, хăна –

ытамласа илеп Огузхана.

10.09.2007. Анкара.

Çĕнĕ комментари хуш