Улшăну


Вăя туйни — пĕчченлĕх вырăнне,

Вут пек стихия!.. Çамрăклăх иртсен

Эп мантăм çавă туртăмăн вăйне,

Пусланчĕ — пушăлăх... Эп çынсенчен

Ыйтма пуçларăм: пулăр манпалан!

Вĕсен хусканăвĕсемпе вĕсен

Аллисене хам таврара ялан

Курса, пушăлăха манас тесе

Эп йăлăнма пуçларăм — «ман валли» —

Хĕм пек шуса иртен алăсене.

Пуçланчĕ — тепĕр пурнăç, — «ахалли».

Çăмăлли мар-мĕн... Манăн тĕнчене

Пуçланчĕ — тепĕр пурнăç, — «ахалли».

Вĕлт çухалан, каллех килен куçсем.

...Куçсем çеç юлччăр!.. Хам эп куç пулам —

Вĕç-хĕрсĕр пысăк куç... Пур шăнăрсем,

Пур туртăну та — йывăр сарăлан

Куçсен тарăнлăхне çеç пĕлтерсе

Ялтраччăр — ятсăр, тĕлсĕр — хăйсене

Хăйсем туймасăр... Çакă çĕр çинче

Пулам эп — тĕс те сасă вăййине

Хамра ялтратакан, мĕн пур тĕнче

Сасне-чӳне хамра янратакан

Тĕнчемĕр тĕлĕнтерĕвĕ кăна.

Манра ялтраччăр — çеçенхир тасан

Хăй сăррине-тĕсне кана-кана

Çитĕнтерсе, хăватлă шăплăхра

Тӳпе тĕпне çитернĕ шевлесем,

Таçта, çăл куç тĕпĕсенче хура,

Пăлхавлă юшкăн йывăр тĕтĕрсе

Ешенчĕклĕн куçса чӳхеннисем.

...Художник вăйĕ! Ун шайне çитсен

Эс — çутçанталăк вăйĕпе пĕр тан.

Пĕртен-пĕр аслă ĕç çеç ĕмĕртен

Пĕр чарăнми, чакми пырать ялан:

Ват Микеланджело чиркӳсенче

Чикмек çине тăрса сăрлать, сăрлать,

Каллех Рембрандтăн чĕркуççи çинче —

Юлашки хут — ун Саскийĕ ларать.

Çавăн пекех пăхăр

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... »
Хаклав:
Шухăшĕ:
Чĕлхе илемлĕхĕ:
Содержанийĕ: