«Шухăшласа кăлартăм пулĕ...»


Шухăшласа кăлартăм пулĕ

Сан хӳхĕм сăнарна

Çак майсăр арпашулăхра

Чуна лăплантарма.

Ултавлă курăну йăл кулĕ —

Йăпате пĕр кана.

Вĕренĕп хитремарлăхра

Суя илем курма...

Шухăшласа кăлартăм пулĕ

Сан çутă сăнарна.

Эс кăмăл ту, эс килĕш тулĕк

Ман çăлăнăç пулма.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... »
Хаклав:
Шухăшĕ:
Чĕлхе илемлĕхĕ:
Содержанийĕ: