«Ан ютшăн — туршăн та! — ан ютшăн...»

Марина Карягина | Сăвă | 1992 | 354


Ан ютшăн — туршăн та! — ан ютшăн,

Эпир, юратнă-тăк, ют мар.

Хуркайăксем — шап-шурă ушкăн,

Шутне пĕлеймĕн — ан шутла.

 

Пулин, ара: шап-шурă, шурă...

Хумсемсĕр кӳлĕ — хуп-хура.

Пăшăлтатса илет те курăк,

Авкаланса илет турат.

 

Иртни — юлать-тĕр, пур-ха ĕмĕт —

Вĕçет çĕмрен пек çĕмĕрсе.

Савăнасси — пĕртен-пĕр ĕмĕр,

Тертленесси те... — ĕмĕр çеç.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: