Ангелсем

Анатолий Васильев | Сăвă | 927


Ман ангелсем

ик енче иккĕ –

мана вĕсем

пит юратаççĕ.

Вĕсенчен пĕри

пĕчĕккĕ –

çавна манăн

ăшсем туяççĕ.

 

Сулахайри

пăшăлтатать:

«Эп саншăн

сысна çури мар,

мана итле,

аван пулать –

ытлашши

шарламасăр лар.

 

Хăвна пĕрре те

эс ан чар –

ĕçес тесессĕн,

ĕç те яр.

Хĕрарăм

енĕпе илсен –

ĕлкĕр, кирлĕ мар

вилсен».

 

Çак сăмахсене

илтсен,

шухăшсем –

ир киличчен.

Пĕр енчен –

тĕрĕс калать,

ырă канашсем

парать.

 

Вăл каланине

тусан –

пăсăлать

пурнăçăм ман.

Ĕçкĕ ăçта

çитерет;

Нумай çынна

пĕтерет.

 

Юрату ман

пурнăçра,

пулмарĕ

савăнăçра.

Лайăххи унтан

курман,

е ăна

асăрхаман.

 

Тепĕр енчен

шутласан –

килте арăм

пулмасан –

мана никам

пăрахмасть,

урăх арçына

тупмасть.

 

Хĕрарăм

улталани

арçына

савăнтармасть.

Ун пеккине

курманни

сывлăха пĕртте

пăсмасть.

 

Çавăн пек

шухăшсене

калас терĕм

ангелне.

Час-часах

ун пек пулать –

çавăн пек вăл

шӳт тăвать.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: