Эп вилсен...


Эп вилсен — мана пытарăр

Çӳллĕ ту çине.

Йăмрасем лартса хăварăр

Ман тăпра çине.

 

Ман çирен пĕтĕм çĕршывăм

Курăнтăр вара,

Тăпрам çинчен курма пултăр

Ват Шупашкара...

 

...Чăвашра çĕн(ĕнрен) сăвăç

Çуралмассерен

Ман тăпра çине саркайăк

Пытăр ир çинчен.

 

Йăмрасем çине ларайтăр

Хĕвел ăшшине

Янра юрăпа мухтатăр

Чăваш чĕлхине

 

Тăван çĕршыв çырулăхĕн

Илемĕ çинчен,

Çамрăксем тăван чĕлхешĕн

Тăрăшни çинчен

 

Саркайăк юрласа патăр

Йăмра тăрринчен...

 

Çĕршывăма тăван халăх

Хавасламасан,

Чун савнă чăваш чĕлхийĕ

Пĕтмелле пулсан, —

 

Усал курăк та ан шăттăр

Ман тăпра çине:

Çĕр çурăлтăр та çĕр çăттăр

Вил шăммăмсене.

Çавăн пекех пăхăр

Вулавçăсен шухăшĕ Вулавçăсен шухăшĕ


Энтри (2008-12-27 21:55:51):

Университетра вĕреннĕ чухне çак сăвва суйласа илнĕччĕ эпĕ пăхмасăр калама. Унччен вара, ПАЯНХИ ПЕКЕХ АС ТĂВАТĂП, шкулта вĕреннĕ чухне "Чăваш арăмне" сăвва шкул умĕнче пăхмасăр каласа панăччĕ. Питĕ юрататăп эпĕ Çеçпĕл сăввисене! Ку сăвă кунта тухнăшăн чунтан савăнатăп.

 

Admin (2008-12-28 15:41:49):

Юрри те (ун тăрăх хайланăскер) мана килĕшет.

 

ева (2009-03-08 18:25:34):

Сеспел савви лайах, музыки те аван.

Чĕлхе илемлĕхĕ: илемлĕ | Шухăшĕ: вăйлă | Содержанийĕ: тарăн

 

shandimirova (2009-03-11 12:04:53):

Паянхи кун Çеçпĕл Мишши пек хастар чунлă, хăйĕн тăван чĕлхине хисеплекенсем çынсем сахалах мар. Анчах, ман шутпа, ун плтарулăхне çитме инçе. Вăл пĕрремĕш яланах, ун ăсталăхĕн тӳпи çӳлте.

Чĕлхе илемлĕхĕ: илемлĕ | Шухăшĕ: вăйлă | Содержанийĕ: тарăн

 

xjrj-gjrj (2009-03-28 17:49:40):

Сеспел саввисене менле юратма пулать!Пусаранчак шухашла, тамак тепенчен тухассе пек! Шуйттансем ахарассе пек!

 

Мирон Толи (2014-12-07 19:06:49):

Куна та кермеллечче: http://gov.cap.ru/SiteMap.aspx?gov_id=12&id=702129

КĔПЕР ХЫВĂР!

 

Алевтина Евгеньевна (2015-01-18 20:28:31):

Мана Çеçпĕл Мишши сăввисем питĕ килĕшеççĕ. Эпĕ шкулта 15 çула яхăн ĕçлетĕп. Уйрăмах "Хурçă шанчăк" сăвă. Кунта поэт çĕр - шыв юмахри кăвар - кайăк пек чĕрĕлсе тăрасси çинчен калать. Çав çутă пуласлăха вăл ним иккĕленмесĕр ĕненме чĕнет. Çĕнĕ пурнăç çуркунне пекех килĕ,çĕр питне чечеклентерĕ. Кам çакна ĕненмест, вăл суккăр, чапрас, тет. Çĕнĕ пурнăçпа пĕрле чăваш ячĕ те аслатиллĕ саспа янраса кайĕ. Унăн чаплă çыннисем пулĕç, культури çĕкленĕ. Яланах çапла пултăрччĕ.

Чĕлхе илемлĕхĕ: илемлĕ | Шухăшĕ: вăйлă | Содержанийĕ: тарăн

 

galzak (2015-02-09 20:36:36):

ПИТЕ ...ВАЙЛА СЕНУСЕМ...ТАВТАПУС ...СУЛТИ ПЕЛЕТРЕ ПУЛ ..СЕСПЕЛЬ МИШШИ

Чĕлхе илемлĕхĕ: илемлĕ | Шухăшĕ: вăйлă | Содержанийĕ: тарăн

 

Галина Зотова (2015-02-10 17:45:47):

Шкулта пăхмасăр калама вĕренсе те, халĕ те асрах.Районта Литература çулталăкне уçнă чухне пĕр ача чуна тивмелле çак сăвва каласа пачĕ.

Чĕлхе илемлĕхĕ: илемлĕ | Шухăшĕ: вăйлă | Содержанийĕ: тарăн

 

Анна (2019-12-05 20:22:59):

Эпĕ Çеçпĕле мĕн тери юратнине никам та сирĕнтен пĕлмест! Вăл "Кăвар чĕреллĕ поэт!"

Чĕлхе илемлĕхĕ: илемлĕ | Шухăшĕ: вăйлă | Содержанийĕ: тарăн

 

Александра (2019-12-05 20:26:10):

Çеçпĕл ман юрату! Ăна пĕлмен Çынсенчен эпĕ тĕлĕнетĕп- мĕнле вĕсем Çеçпĕл Мшшине пĕлмеççĕ?????

Чĕлхе илемлĕхĕ: илемлĕ | Шухăшĕ: вăйлă | Содержанийĕ: тарăн

 

Русифицированный чуваш (2021-07-31 17:12:57):

Тотальная русификация опустошила наш мир, наш гордый народ был обречён на смешение и притеснение, но никто не разрушит наше единство, ибо нас связывает священный союз всех наших мыслей и эмоций. Мы вернём родной мир и с ним наше наследие. Хочу знать свой родной чувашский язык.

 

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... »
Хаклав:
Шухăшĕ:
Чĕлхе илемлĕхĕ:
Содержанийĕ: