Сайта кӗр | Регистраци | Сайта кӗрсен унпа туллин усӑ курма пулӗ
 +15.0 °C
Икӗ куяна хӑвалакан пӗрне те тытайман.
[ваттисен сӑмахӗ]
 

Чӑваш чӗлхи: Чӗлхе уҫҫи — сӑмах тӗшши

Сутатӑп Йывăçран тунă çурт сутатăп. Тăррине çĕнĕрен витнĕ, никĕсне çирĕплетнĕ. Мунча пур...
Туянатӑп Николай Терентьевăн "Суйласа илнисем" кĕнекин 1-мĕш томне (1994 ç. тух...
Сутатӑп Арека пальма
ninelleo 03.04.2017 08:46 | 604 хут пӑхнӑ
Чӑваш чӗлхи
«Вӗрентӳри ҫӗнӗ технологисем» ушкӑн
«Вӗрентӳри ҫӗнӗ технологисем» ушкӑн

Шупашкарти педагогика ӗҫченӗсен «XXI ӗмӗр» ассоциацийӗн «Вӗрентӳри ҫӗнӗ технологисем» ушкӑнне кӗрекен чӑваш чӗлхипе литератури вӗрентекенӗсем пуш уйӑхӗн вӗҫӗнче професси конкурсне хутшӑннӑ. Ку сумлӑ ӗҫе йӗркелесе ертсе пырассине 54-мӗш вӑтам шкул хастарӗсем хӑйсем ҫине илнӗ.

«Чӗлхе уҫҫи — сӑмах тӗшши» конкурсра «вӑй виҫме» тӗп хуламӑрти 1, 2, 4-мӗш гимназисен, 49, 54, 55, 41-мӗш вӑтам шкулсен 15 педагогӗ кӑмӑл тунӑ. Тӑхӑр тапхӑрта тӗрлӗ ӗҫ экран ҫине пӗрин хыҫҫӑн тепри тухса пынӑ. Паллах, кунта фольклор, литература, чӗлхе енӗпе хӑш-пӗр ыйтусене аса илме ансатах пулман. Апла пулин те вӗрентекенсем пуҫа усман, пур ӗҫе те тулли кӑмӑлпа пурнӑҫланӑ.

Жюрин кӑсӑклӑ ӗҫне Владимир Иванов профессор, «Асамат&Шевле» ача-пӑча журналӗн тӗп редакторӗ Владислав Николаев, 3-мӗш лицей вӗрентӳҫи Александра Васильевна Ласточкина туса пычӗҫ.

Нумай ҫул И.Н.Ульянов ячӗллӗ Чӑваш патшалӑх университетӗнче ют чӗлхесен кафедринче вӑй хуракан В.А. Иванов ӑсчах хӑйӗн савӑнӑҫне пытармарӗ — учительсене пурне те тав турӗ, канаш-сӗнӳсемпе, салам сӑмахӗсемпе малашне те ӑнӑҫусем пиллерӗ.

Чи хумхануллӑ вӑхӑт вӑл — пӗтӗмлетӳсем туни. В.Д.Николаев редактор конкурс ҫӳллӗ шайра иртнине палӑртрӗ. Чи пултаруллисене, маттуррисене Хисеп хучӗсемпе чысларӗ. Вӗсен шутӗнче — Елена Матвеевна Яндрова (41-мӗш шкул) ҫӗнтерӳҫӗ, Оксана Петровна Егорова (4-мӗш гимнази), Татьяна Валериановна Ильина (55-мӗш шкул), Зоя Ефимовна Ананьева (2-мӗш гимнази) призёрсем.

Хулари 3-мӗш лицейре нумай ҫул ӗҫлекен А.В.Ласточкина педагог та, жюри членӗ пулнӑ май, ӗҫтешӗсене чунтан саламларӗ. Ассоциацин «Вӗрентӳри ҫӗнӗ технологисем» ушкӑнне кӗрекен чӑваш чӗлхипе литератури вӗрентекенӗсем хула шайӗнче уйрӑмах тӑрӑшса ӗҫленине асӑнса хӑварчӗ. «Ачасем, аслисем валли конкурссем тӑтӑшах ирттерни эсир яланах шыравра пулнине кӑтартса парать», — терӗ вӑл.

Мероприяти йӗркелӳҫисен ӑсталӑхӗ пысӑк пулчӗ. 54-мӗш шкулта чӑваш чӗлхипе литератури вӗрентекен Валентина Анатольевна Трифонова, Ирина Васильевна Дектярёва, Татьяна Николаевна Федорова, Людмила Алексеевна Михайлова чӑннипех те хӑйсен ӗҫӗсен ӑстисем пулнине кӑтартса пачӗҫ.

Ҫак ушкӑн (лаборатори) ертӳҫи Нина Геннадьевна Леонтьева вара ҫитес вӑхӑтра тумалли ӗҫсен планӗпе паллаштарчӗ.

(Е.Яндрова, Шупашкар хули)

#ЧПУ, #55-мӗш шкул, #2-мӗш гимнази, #41-мӗш шкул, #3-мӗш лицей, #1-мӗш гимнази, #4-мӗш гимнази, #Шупашкар, #конкурссем, #чӑваш чӗлхи, #вӗренӳ, #шкулсем, #54-мӗш шкул, #49-мӗш шкул

 

Ҫавӑн пекех пӑхӑр

«Янравлӑ чӑваш чӗлхи» интеллектуаллӑ вӑйӑ-конкурс
2016, 03, 12
Маттур ача, яш ача...
2016, 05, 05
4-мӗш гимназири «Маттур ачасем» квест-вӑйӑ
2016, 11, 29
«Сенкер инҫет» конкурс иртнӗ
2017, 03, 22
Шупашкар чысне Диана Харченко вӗрентекен хӳтӗлӗ
2017, 03, 30

Комментариле

Сирӗн ятӑp:
Анлӑлатса ҫырни:
B T U T Ячӗ1 Ячӗ2 Ячӗ3 # X2 X2 Ӳкерчӗк http://
WWW:
ӐӑӖӗҪҫӲӳ

Пурӗ кӗртнӗ: 0 симв. Чи пысӑк виҫе: 1200 симв.
Сирӗн чӑвашла ҫырма май паракан сарӑм (раскладка) ҫук пулсан ӑна КУНТАН илме пултаратӑр.

Эсир усӑ курма пултаракан Wiki тэгсем:

__...__ - сӑмаха каҫӑ евӗр тӑвасси.

__aaa|...__ - сӑмахӑн каҫине тепӗр сӑмахпа хатӗрлесси («...» вырӑнне «ааа» пулӗ).

__https://chuvash.org|...__ - сӑмах ҫине тулаш каҫӑ лартасси.

**...** - хулӑм шрифтпа палӑртасси.

~~...~~ - тайлӑк шрифтпа палӑртасси.

___...___ - аялтан чӗрнӗ йӗрпе палӑртасси.


Orphus

Баннерсем

 
Сайт пирки | Пулӑшу | Статистика
(c) 2005-2017 Chuvash.Org | МИХ пек регистрациленӗ свидетельство номерӗ: 2017 ҫулхи нарӑсӑн 3-мӗшӗнче алӑ пуснӑ ЭЛ № ФС 77 - 68592. Свидетельствӑна Ҫыхӑну, информаци технологийӗ тата массӑллӑ коммуникаци сферине тӗрӗслесе тӑракан федераллӑ служба (Роскомнадзор) панӑ.
Сайтри материалсене (ытти ҫӑлкуҫсенчен илнисемсӗр пуҫне) CreativeCommons Attribution-ShareAlike 3.0 лицензипе килӗшӳллӗн усӑ курма пулать. Сайтпа ҫыхӑннӑ ыйтусене кунта ярӑр: site(a)chuvash.org