"На связи" форумри сӑн

Сӗнтӗрвӑрри районӗнче хӗвел ҫаврӑнӑш вӑррин хуппин купине тупнӑ. Ку Нерятӑв ялӗ ҫывӑхӗнче.

Ку купа ӑҫтан тупӑннӑ? Вырӑнти халӑх акӑ мӗнле шухӑшлать: Сӗнтӗрвӑрринчи спирт савучӗ пулнӑ ҫурт ҫумӗнче тип ҫу туса кӑлараҫҫӗ.

Нерятӑв ялӗ ҫывӑхӗнчи ҫак купана «Ҫыхӑнура» форума пӑхса тӑракан пӗр ҫын асӑрханӑ. Вӑлах сӑн ӳкерсе форума ярса панӑ.

Ҫынсем ҫакна тӗрлӗрен хакланӑ. Пӗрисем кунта ним япӑххине те курмаҫҫӗ: вӑл ҫӗрет, тӑпрашӑн лайӑх им-ҫам шутланать. Теприсем вара сивленӗ: хать мӗнле пулсан та ун пек хӑтланма юрамасть.

#Сӗнтӗрвӑрри, #Нерятӑв, #Сӗнтӗрвӑрри районӗ, #савутсем