Ӗнер Канаш районӗнчи Карӑклӑ ялӗ тӗлӗнче пысӑк инкек пулса иртнӗ. Турра шӗкӗр, пассажирсем те, водительсем те кипкере ҫуралнӑскерсем пулнӑ. Вӗсем вилмен, суранланнӑ ҫеҫ. Пурӗ 7 ҫын аманнӑ, ҫав шутра икӗ ача пулнӑ.

Инкек 21 сехет тӗлӗнче А-151 ҫул автоҫул ҫинче пулса иртнӗ. Унта «Лада-Приора», «Тойота-Рав4» тата «Лада-Гранта» автомобильсем ҫапӑннӑ.

Малтанласа шухӑшланӑ тӑрӑх, «Приора» водителӗ «Тойотa» ҫине пырса кӗнӗ, унтан хирӗҫ ҫул ҫине тухса кайса «Лада-Гранта» автомобильпе ҫапӑннӑ.

Инкекре суранланнисене тухтӑрсем пулӑшаҫҫӗ.

#Канаш районӗ, #ҫул-йӗр, #инкексем, #машинӑсем, #сывлӑх, #Карӑклӑ