Ака уйӑхӗн 9-мӗшӗнче ЧР Элтеперӗ Олег Николаев «тӳрӗ лини» ирттерет. Вӑл 18 сехетре пуҫланӗ.

Ыйтусене Телеграм-каналта, Патшалӑх пулӑшӑвӗсен порталӗ урлӑ тата «Контактра» халӑх тетелӗнчи «Чувашская Республика» ушкӑнра пама пулать. Эфира Элтеперӗн Телеграм-каналӗнче, «Контактри» страницинче, «Чувашская Республика» ушкӑнра, Наци телекуравӗпе кӑтартӗҫ. Ҫавӑн пекех Наци радиовӗпе итлеме май пулӗ. «Тӳрӗ лини» вӑхӑтӗнче колл-центр ӗҫлӗ. Унӑн номерӗ: 8 (8352) 565-100.

Эфирта янӑраман ыйтусен тивӗҫлӗ ведомствӑсем каярахпа хуравлӗҫ. «Пӗри те хуравсӑр юлмӗ», - тет Олег Николаев.

#тӳрӗ лини, #Элтепер, #политика