t.me/mchs_chuvashia сӑнӳкерчӗкӗ

Ҫӗнӗ Шупашкарта вырнаҫнӑ хичисткӑра пушар тухнӑ.

Инкек ӗнер каҫхине, чӳк уйӑхӗн 27-мӗшӗнче, пулса иртнӗ.

Вут-ҫулӑм Коммунистсен урамӗнчи 3-мӗш ҫуртра алхасма тытӑннӑ. Виҫӗ хутлӑ ҫуртра ҫав вӑхӑтра ҫынсем пулман, вӗсем ҫуртран тухма ӗлкӗрнӗ. Пушар «Новинка» химчисткӑн администрацийӗ ларакан пӳлӗмре тухнӑ.

Вырӑна пырса ҫитнӗ пушарпа кӗрешекенсем вут-ҫулӑма 20 минутра ҫӳнтернӗ. Пушар 15 тӑваткал метр лаптӑка сиенленӗ.

#пушарсем, #пӑтӑрмахсем, #инкексем, #Ҫӗнӗ Шупашкар