forum.zarulem.ws сӑнӳкерчӗкӗ

Шупашкарта васкавлӑ пулӑшу машини Республикӑн ача-пӑча пульницин йышӑну пӳлӗмӗ патне кӗреймен. Гладков урамӗнче вырнаҫнӑ сиплев учрежденийӗ шлагбаумӗ патне «В008СВ 21» номерӗллӗ Kia Rio машинӑна лартса хунӑ.

Тухтӑрсен йывӑр чирлӗ ачана юр ашса йӑтса кӗме тивнӗ.

Ҫав пӑтӑрмах хыҫҫӑн Шупашкар хулинчи Ленин районӗн прокуратури тӗрӗслев пуҫарнӑ. Вӗсем ҫак ӗҫе патшалӑхӑн автоинспекцине те явӑҫтарнӑ.

#пӑтӑрмахсем, #машинӑсем, #тухтӑрсем, #Шупашкар, #пульницӑсем, #прокуратура, #тӗрӗслевсем