Шупашкарта йытӑсен парачӗ иртӗ. Мероприяти ака уйӑхӗн 25-мӗшӗнче пулӗ. «Парад собак» (чӑв. Йытӑ парачӗ) пулӑма ҫак чӗрчунсене юратакан мӗнпур ҫынна йыхравлаҫҫӗ. Шупашкар хула администрацийӗнче пӗлтернӗ тӑрӑх, ку мероприятие республикӑн тӗп хулинче тӑваттӑмӗш хут йӗркелеҫҫӗ.

Хула администарцийӗнче шухӑшланӑ тӑрӑх, кун пек парад — чӑннипех те кирлӗ мероприяти, вӑл социаллӑ пӗлтерӗшлӗ, ҫынсене йытӑ-кушакшӑн тӑрӑшма вӗрентет.

Парад вӑхӑтӗнче йытӑсен пултарулӑхне темиҫе дисциплинӑпа хаклама май килӗ: «Йытӑпа ташлани»; ноузворк; фрисби; ЗКС (хӳтлехпе хурал служби); йытӑсене кӳлсе ҫӳрени.

Йытӑ парадне хутшӑнас тесен https://paradsobak.ru сайтра регистрациленмелле.

#Шупашкар, #йытӑсем