Кун пек хыпара вуласан тӗнчере темӗнле кӗнчеле тесси ҫеҫ юлать.

Ака уйӑхӗн вӗҫӗнче Ҫӗнӗ Шупашкарта пурӑнкан хӗрарӑм патне Пенси фондӗнчен тесе шӑнкӑравланӑ, ӑна пенси хушса парасси пирки пӗлтернӗ. Кун хыҫҫӑн хӗрарӑм патне Патшалӑх пулӑшӑвӗсен порталӗн ӗҫченӗ текен ҫын шӑнкӑравланӑ, унччен вӑл ултавҫӑсемпе калаҫнӑ, халӗ унӑн аккаунтне ватнӑ, «кӗмӗле» экстремистсене куҫарса парасран тата хваттере сутса ярасран мӗнпур укҫана декларацилемелле тесе ӗнентернӗ.

Пӑтӑрмах пирки ватӑ хӗрарӑм 23 ҫулти мӑнукне каласа кӑтартнӑ. Пике ултавҫӑсем каланине итлесе ҫывӑхри вӑрман посадкине кайса палламан ҫынна 3 миллиона яхӑн тенкӗ тыттарса хӑварнӑ. Тепӗр 1 миллион тенке вӑл Шупашкарти Яковлев проспектӗнчи терминал урлӑ куҫарса пагӑ.

Укҫана арҫын тавӑрса пама шантарнӑ.

#пӑтӑрмахсем, #укҫа-тенкӗ, #Шупашкар, #Ҫӗнӗ Шупашкар