Сутатӑп Уйăхри пăру сутатăп.Хакĕ килĕшсе татăлнипе.
Сутатӑп Чăн-чăн килти хытă чăкăтсем (сырсем) сутатпăр. Вĕсене мăн пыршă (вырăсла сычуг) ...
Сутатӑп Хурăн вутти Муркаш районĕпе тата Шупашкар районĕнчи Ишлей тăрăхĕпе сутатăп. Ха...

Йӗпреҫ поселокӗн хисеплӗ гражданинӗ, журналистика ветеранӗ, Чӑваш Республикин тава тивӗҫлӗ культура ӗҫченӗ, Раҫҫей журналисчӗсен пӗрӗхӗн тата Чӑваш писателӗсен пӗрлӗхӗн пайташӗ Геннадий Васильевич Кузнецовӑн чӗри тапма пӑрахнӑ. Вӑл 84 ҫула кайнӑ пулнӑ.
Вӑл пурнӑҫӗнчи 60 ытла ҫулне район тата республика прессипе ҫыхӑнтарнӑ: «Ял пурнӑҫӗ», «Ҫӗнтерӳшӗн» хаҫатсенче ӗҫленӗ, 2000 ҫултанпа вара «Хыпар» хаҫат корреспонденчӗ пулнӑ.
Геннадий Кузнецов журналист кӑна мар, талантлӑ сӑвӑҫ та пулнӑ. Вӑл Йӗпреҫ районӗн гимнӗн сӑввине ҫырнӑ, темиҫе сӑвӑ пуххи кӑларнӑ, унӑн хайлавӗсемпе чӑваш композиторӗсем юрӑсем хайланӑ. «Притяжение родной земли» кӗнеке 2010 ҫулта «Литературӑллӑ Чӑваш Ен: ҫулталӑкри чи вуланакан кӗнеке» республика конкурсӗн ҫӗнтерӳҫи пулса тӑнӑ.
Геннадий Васильевич темиҫе ӑру журналиста вӗрентсе кӑларнӑ, вӑл Ҫемен Элкер ячӗллӗ литература пӗрлешӗвне ертсе пынӑ.
