«Контактра» халӑх тетелӗнчи сӑн

Элӗк округӗнчи Кармал ялӗнче пурӑнакан Мария Терентьева ҫак кунсенче тӑванӗсене пухса 100 ҫулхи юбилейне паллӑ тунӑ.

Мария Петровнӑн пурнӑҫӗ ҫӑмӑл пулман. Вӑл нумай ҫул «Прогресс» ятлӑ колхозра ӗҫленӗ, хӑйне яланах лайӑх енчен кӑтартнӑ, яваплӑха туякан ӗҫчен пулнӑ. Ӗҫтешӗсем ӑна кирек хӑҫан та шанма юранине пӗлсе тӑнӑ.

Унӑн пулас мӑшӑрӗ Тӑван ҫӗршывӑн Аслӑ вӑрҫине хутшӑннӑ. Фронтран таврӑнсан вӗсем ҫемье ҫавӑрнӑ, ултӑ ача ҫуратса ӳстернӗ: виҫӗ ывӑлпа виҫӗ хӗр. Халӗ Мария Петровна пысӑк ҫемйипе савӑнса пурӑнать: унӑн мӑнуксем, кӗҫӗн мӑнуксем пур.

Пӗр ӗмӗре парӑнтарнӑ пулсан та Мария Терентьева таса ӑспа пурӑнать, хӑйне пӑхтармасть.

Элӗк тӑрӑхӗнчи кинемее сумлӑ юбилейпе чун-чӗререн салаӳлатпӑр!

#Элӗк районӗ, #Кармал, #юбилейсем, #ватӑсем