Сайта кӗр | Регистраци | Сайта кӗрсен унпа туллин усӑ курма пулӗ
 +19.3 °C
Ватӑ ҫерҫие хывӑхпа улталаймӑн.
[ваттисен сӑмахӗ]
 

Хыпарсем: Конкурссем

Раҫҫейре
Зайцевсен архивӗнчи сӑн
Зайцевсен архивӗнчи сӑн

Ҫӗмӗрлери Зайцевсен ҫемйи Раҫҫейри «Ҫулталӑкри ҫемье» конкурсра палӑрнӑ. Вӗсем «Нумай ачаллӑ ҫемье» номинацире малти вырӑна йышӑннӑ.

Зайцевсем тӑватӑ ывӑл ӳстереҫҫӗ. Мӑшӑр килӗштерсе пурӑнать.

Палӑртмалла: конкурс кӑҫалхипе тӑххӑрмӗш хут иртнӗ. Унта 388 ҫемье хутшӑннӑ. Вӗсенчен 88-шӗ тӗрлӗ номинацире ҫӗнтернӗ.

Хыпар ҫӑлкуҫӗ: https://vk.com/wall-143818234_404219
 

Культура
Лидия Филиппова страницинчен илнӗ сӑнӳкерчӗк
Лидия Филиппова страницинчен илнӗ сӑнӳкерчӗк

Сӗнтӗрвӑрри тӑрӑхӗнчи Турханкасси ялӗнче «Чӑваш ялӗн илемӗ» округри фестиваль-конкурс иртнӗ.

Лидия Филиппова журналист пӗлтернӗ тӑрӑх, ӑна юпа уйӑхӗнче уявлакан Ял хӗрарӑмӗсен пӗтӗм тӗнчери кунне халалланӑ.

Фестиваль-конкурса 7 хӗрарӑм хутшӑннӑ. Вӗсене хавхалантарма вырӑнти тӳре-шара, ҫав шутра округ пуҫлӑхӗ Владимир Петров та, пынӑ.

Хыпар ҫӑлкуҫӗ: https://vk.com/wall270168791_1967
 

Республикӑра
www.cheboksary.ru сӑнӳкерчӗкӗ
www.cheboksary.ru сӑнӳкерчӗкӗ

«Чӑваш Ен Элтеперӗн кубокӗ» пӗтӗм Раҫҫейри ӑмӑртура Павел Миронов тата Арина Павлова 2 наградӑна тивӗҫнӗ.

Ӑмӑрту иртнӗ эрнере иртнӗ.

Арҫын ачапа хӗрача – «Дуэт» спорт клубӗн воспитанникӗсем. Вӗсем 7-11 ҫулсенчи ачасен хушшинче икӗ хутчен ҫӗнтернӗ. Латин Америкин ташшипе ылтӑн медале тивӗҫнӗ, тепӗр ташӑпа – бронзӑна.

Ӑмӑртӑва ҫӗршыври 19 регионти 600 ытла спортсмен хутшӑннӑ.

Ачасен тренерӗсем – Сергей Яруткин тата Дмитрий Жаров.

Хыпар ҫӑлкуҫӗ: https://vk.com/wall-90291590_21205
 

Республикӑра

Чӑваш Енри водитель «Чи лайӑх грузовик водителӗ» конкурсра иккӗмӗш вырӑн йышӑннӑ. Ӑмӑрту Грозный хулинче авӑн уйӑхӗн 25-27-мӗшӗсенче иртнӗ.

Унта пирӗн ентеш Александр Анисимов хутшӑннӑ. Вӑл – Комсмольски тӑрӑхӗнчен, руль умӗнче 19 ҫул ларать, «СпецТранс» организацире ӗҫлет. Александр конкурсра 92 балл пухса иккӗмӗш вырӑн йышӑннӑ. Ҫапла вӑл 150 пин тенкӗлӗх сертификата тивӗҫнӗ.

 

Республикӑра
Чӑваш Енӗн Ӗҫ министерствин сайтӗнчен илнӗ сӑнӳкерчӗк
Чӑваш Енӗн Ӗҫ министерствин сайтӗнчен илнӗ сӑнӳкерчӗк

Ӗнер, юпа уйӑхӗн 9-мӗшӗнче Шупашкарта кӗмӗл волонтерсен «Кӗмӗл чун» республикӑри виҫҫӗмӗш форумӗ иртрӗ. Унта республикӑри хастар ватӑсене пухрӗҫ.

«Эсир кӗмӗл мар, ылтӑн чунлӑ ҫынсем», — ырласа каларӗ хастар пенсионерсене Чӑваш Енӗн Патшалах Канашӗн председателе Леонид Черкесов. Маттур ватӑсене ытти тӳре-шара та: Олег Николаев Элтепер, ӗҫ министрӗ Алёна Елизарова — самай мухтарӗҫ-ха.

Хастарсенчен пӗри, Элӗк тӑрӑхӗнчи Ехремкасси ялӗнчи Виталий Степанов. Вптӑ ҫын пенсире те ахаль лармасть, ялти ачасене шахмӑт вӑййине выляма хӑнӑхтарать, тӗрлӗ ӑмӑртӑва илсе ҫӳрет. Ҫак ӗҫе вӑл укҫалла тумасть. Чун ыйтнипе. Вӑл — кӗмӗл волонтерсен республикари конкурсӗнче ҫӗнтернисенчен пӗри.

 

Республикӑра
Чӑваш Енӗн Ӗҫ министерствин сайтӗнчен илнӗ сӑнӳкерчӗк
Чӑваш Енӗн Ӗҫ министерствин сайтӗнчен илнӗ сӑнӳкерчӗк

Ӗнер, юпа уйӑхӗн 9-мӗшӗнче Шупашкарта кӗмӗл волонтерсен «Кӗмӗл чун» республикӑри виҫҫӗмӗш форумӗ иртрӗ. Унта республикӑри хастар ватӑсене пухрӗҫ.

«Эсир кӗмӗл мар, ылтӑн чунлӑ ҫынсем», — ырласа каларӗ хастар пенсионерсене Чӑваш Енӗн Патшалах Канашӗн председателе Леонид Черкесов. Маттур ватӑсене ытти тӳре-шара та: Олег Николаев Элтепер, ӗҫ министрӗ Алёна Елизарова — самай мухтарӗҫ-ха.

Хастарсенчен пӗри, Элӗк тӑрӑхӗнчи Ехремкасси ялӗнчи Виталий Степанов. Вптӑ ҫын пенсире те ахаль лармасть, ялти ачасене шахмӑт вӑййине выляма хӑнӑхтарать, тӗрлӗ ӑмӑртӑва илсе ҫӳрет. Ҫак ӗҫе вӑл укҫалла тумасть. Чун ыйтнипе. Вӑл — кӗмӗл волонтерсен республикари конкурсӗнче ҫӗнтернисенчен пӗри.

 

Культура
Cap.ru сӑнӳкерчӗкӗ
Cap.ru сӑнӳкерчӗкӗ

Чӑваш Енре халӑх промыслисен чи лайӑх ӑстисемпе ремесленникӗсене чыслӗҫ. «Чувашия ремесленная» (чӑв. Ремеслаллӑ Чӑваш Ен) конкурса 110 заявка килсе ҫитнӗ.

Чи лайӑх ӗҫсене 24 номинацире чыслӗҫ.

Конкурса йывӑҫран, хӑваран, ҫӑмран, кӗҫҫерен, хурӑн хуппинчен, тӑмран, батикран тӗрлӗ япала ӑсталакансем, халӑх тумне хатӗрлекенсем хутшӑнма пултараҫҫӗ.

Ҫӗнтерӳҫӗсене чӳк уйӑхӗн 3-мӗшӗнче чыслӗҫ.

 

Раҫҫейре
«Чувашский край» Телеграм-каналти видеоран илнӗ скриншот
«Чувашский край» Телеграм-каналти видеоран илнӗ скриншот

Шупашкарти Валентина Алексеева «Раҫҫей пики 2024» илем конкурсӗнче ҫӗнтернӗ. Конкурса ӗнер, юпа уйӑхӗн 5-мӗшӗнче, пӗтӗмлетнӗ.

Аса илтерер: пирӗн республикӑран конкурса икӗ пике хутшӑннӑччӗ. Вӗсем — Валентина Алексеева тата Алла Кадеева.

Хыпар ҫӑлкуҫӗ: https://t.me/chuv_kray/3914
 

Культура
"Чӑваш тӗнчи" страницӑран илнӗ сӑнӳкерчӗк
"Чӑваш тӗнчи" страницӑран илнӗ сӑнӳкерчӗк

«Раҫҫей пики» илем конкурсне хутшӑнакансем наци тумне те кӑтартнӑ.

Аса илтерер: унта Чӑваш Енрен Алла Кадеева тата Валентина Алексеева хӑйсен пултарулӑхне кӑтартма тивӗҫлӗ пулнӑ.

Конкурса хутшӑнакан пикесем валли тума чӑваш эрешне тата тӗсне тӗпе хурса хатӗрленине ӗнентереҫҫӗ.

Сӑмах май каласан, илем конкурсне паян, юпа уйӑхӗн 5-мӗшӗнче, пӗтӗмлетмелле.

Хыпар ҫӑлкуҫӗ: https://vk.com/wall-194537172_17242
 

Культура
"Контактри" сӑн
"Контактри" сӑн

Шупашкарти 9 ҫулти Лена Еремеева «Ача-пӑча ҫӗнӗ хумӗ» сумлӑ конкурсӑн ҫурмафиналне лекнӗ. Вӑл унта Чӑваш Енрен - пӗртен-пӗр ача.

Лена 5 ҫулта «Голос. Дети» кӑларӑмӑн ТОП-80 списока лекнӗ, паллӑ ҫынсемпе - Александ Реввӑпа, Владимир Пресняковпа, Наталья Подольскаяпа - пӗр сцена ҫинче пулса курнӑ. Вӑл юрӑсем ҫырать, хӑйӗн пӗрремӗш кӗнекине те кӑларма хатӗрленет.

Хыпар ҫӑлкуҫӗ: https://vk.com/wall-191629825_70936
 

Страницӑсем: 1, 2, 3, 4, 5, 6, 7, 8, 9, [10], 11, 12, 13, 14, 15, 16, 17, 18, 19, 20, ... 165
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (13.08.2025 03:00) уяр ҫанталӑк, атмосфера пусӑмӗ 745 - 747 мм, 14 - 16 градус ӑшӑ пулӗ, ҫил 1-3 м/ҫ хӑвӑртлӑхпа ҫурҫӗр-хӗвеланӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Халӗ вӗренӗве тарӑнлатассипе, юридици тата ют ҫӗршыв ыйтӑвӗсемпе ҫыхӑннӑ ӗҫсене тумалли пӗлтерӗшлӗ самант. Пӗрисем унчечнхи чӑрмавсене парӑнтарӗҫ, теприсем экзамен ӑнӑҫлӑ тытӗҫ, виҫҫӗмӗшӗсем вара килӗшнӗ ҫыннӑн чӗрине ҫӗнсе илӗҫ. Чи пӗлтерӗшлӗ ӗҫе тума хатӗрленӗр. Партнерсен тупӑшлӑ сӗнӗвӗсене шута илӗр те вӗсемпе хӑвӑра кирлӗ пек усӑ курӑр.

Ҫурла, 13

1893
132
Михайлов Максим Дормидонтович, опера юрӑҫи ҫуралнӑ.
1962
63
Эмине Йылмаз, чӑваш чӗлхине тӗпчекен турккӑ ӑсчахӗ ҫуралнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
ӑсатма тухни — ҫылӑх, юрамасть
пӗтӗм кил-йышпа тухаҫҫӗ
хуҫа хӑй
хуть те кам тухсан та
хуҫа арӑмӗ
хӑни ҫулне ахаль те пӗлет, ӑсатмасӑр та
кил-йышри арҫын
хуҫа тарҫи
хӑнана ӑсатма никам та тухмасть
хуҫин ҫитӗннӗ ачисем