Хыпарсем: Суук-Чишма

НАР

Пушкӑртстанра чӑваш спектакльне лартнӑ
■ Таисия Ташней | 05.02.2023 20:06 |

#спектакльсем, #чӑвашсем, #ансамбльсем, #пултарулӑх, #чӑашлӑх, #культура, #Апаш, #Шупашкар районӗ, #Пушкӑртстан, #Суук-Чишма

Культура

Владислав Кириллов старницинчен илнӗ сӑнӳкерчӗк

Пушкӑртстанра пурӑнакансем чӑваш спектакльне кураҫҫӗ. Унти Суук-Чишма ялӗнчи культура ҫуртӗнче «Ӗмӗт» чӑваш театрӗ ӗҫлет. Нумаях пулмасть вӑл

Владислав Кирилловӑн «Ҫулсем иртсен, кунсем юлсан» пьеси тӑрӑх спектакль лартса унпа коллектив халӑх театрӗ ята хӳтӗленӗ.

Пьеса авторӗ, Шупашкар районӗнчи Апашра пурӑнакан Владислав Кириллов халӑх тетелӗнче пӗлтернӗ тӑрӑх, театр режиссёрӗ — О. Андреева. Спектакльте салтака ӑсатнине «Шевле» чӑваш фольклор ансамблӗ (ертӳҫи — С. Матвеева) кӑтартнӑ.

Хыпар ҫӑлкуҫӗ: https://vk.com/wall330911986_5066

УТӐ

Пушкӑртра чӑваш тумӗн куравӗ уҫӑлнӑ
■ Вера Эверкки | 27.07.2013 13:51 |

#Пушкӑртстан, #Суук-Чишма, #куравсем

Анатри чӑвашсен тумӗ

Пушӑрт Республикинчи Суук-Чишма ялӗнчи историпе культура центрӗнче анатри чӑваш хӗрарӑмӗсен 19-мӗш ӗмӗрти тумӗн куравӗ уҫӑлнӑ. Вӑл ҫурла уйӑхӗн 4-мӗшӗччен ӗҫлӗ.

Унта ытларах пуҫа тӑхӑнмаллисем — хушпупа тухья — вырӑн тупнӑ иккен. Аса илтеретпӗр, хушпӑва качча кайнӑ хӗрарӑмсем тӑхӑннӑ. Хӗрсем вара — тухья. Ҫавӑн пекех тӗрлӗ саппунпа паллама пулать. Кунсӑр пуҫне куравра тӑван халӑхӑмӑрӑн авалхи тумтирне тӑхӑнтартнӑ пуканесем йышлӑ-мӗн.

Курав валли ҫи-пуҫа асӑннӑ ялта пурӑнакан Арина Егорова, Матрена Павлова, Вера Константинова, Татьяна Захарова, Ольга Васильева илсе пырса панӑ иккен.

Хыпар ҫӑлкуҫӗ: http://www.irekle.org/news/i1154.html