Пуш уйӑхӗнчи илемлӗ кунсенче – 03.03.2023 тата 23.03.2023 – Чӑваш Енре 80 ытла мӑшӑр пӗрлешме палӑртнӑ.
Пушӑн 3-мӗшӗнче 51 ҫемье чӑмӑртанӗ. Вӗсенчен 15-шӗ – Шупашкарта. Пуш уйӑхӗн 23-мӗшӗнче вара 35 мӑшӑр пӗрлешӗ. Ытларахӑшӗ Шупашкарта тата Ҫӗнӗ Шупашкарта хут уйӑрттарӗ.
Сӑмах май, кӑҫал пуш уйӑхӗнче республикӑра 241 мӑшӑр пӗрлешме заявлени панӑ.
Шупашкарти Чапаев ячӗллӗ савут паллӑ тренер Ирина Винер ыйтнипе мечӗксем кӑларма тытӑнӗ. Хальлӗхе пӗрремӗш партие кӑларма хатӗрленеҫҫӗ.
Мечӗксем ӳнер гимнастики валли кирлӗ. Кун валли савут санитари требованийӗсемпе килӗшсе тӑракан полиуретанлӑ мечӗксем кӑларӗ. Резинӑран тунисемпе танлаштарсан, вӗсем экологи тӗлӗшӗнчен тасарах.
ЧР Элтеперӗ Олег Николаев палӑртнӑ тӑрӑх, Чапаев ячӗллӗ савут тӗнчере профессионал мечӗксем кӑларакан сахал предприятисенчен пӗри пулма пултарӗ.
2020 ҫултанпа Шупашкарти «Ҫеҫпӗл» кинотеатр» чарӑнӑва Ҫамрӑксен театрӗн ятне панӑ. Чӑвашла унта «Ҫеҫпӗл ячӗллӗ Ҫамрӑксен театрӗ» тесе ҫырнӑччӗ. Анчах хӑш-пӗр хастара ку килӗшмен.
«Ҫеҫпӗл ячӗллӗ» тени ҫеҫпӗл чечек тенӗ пек пулса тухать тесе каланӑ вӗсем. Ҫавӑнпа тӗрлӗ инстанцие, депутатсем патне ҫырупа тухма пуҫланӑ. Усси пулнӑ: халӗ чарӑну ҫине «Ҫеҫпӗл Мишши ячӗллӗ Ҫамрӑксен театрӗ» тесе ҫырнӑ.
«Наконец-то! Тинех! Хотя и спустя почти 2 года, название остановки общественного транспорта в северо-западном районе столицы Чувашии - г. Чебоксары написали правильно <...> Наконец-то остановка будет называться правильно - Театр юного зрителя имени поэта Михаила Сеспеля, а не Театр имени подснежника, цветка...» - халӑх тетелӗнче ҫапла ҫырнӑ журналист тата ҫыравҫӑ Лидия Филиппова.
Паян Шупашкарта ҫӑлавпа шырав службине шӑнкӑрав ҫитнӗ: Мир проспектӗнче арҫын подъездри картлашкасем ҫинче пуҫне перил ӑшне чикнӗ те каялла кӑларайман. Пулӑшу чӗнмех тивнӗ.
Ҫӑлавҫӑсем вырӑна часах ҫитнӗ. Вӗсем перилӑн ячейкине каснӑ та арҫынна тухма пулӑшнӑ. Вӗсем ӑна васкавлӑ медпулӑшу тухтӑрӗсен аллине панӑ.
Паян Шупашкарта патшалӑх автоинспекцийӗн ӗҫченӗсем Богдан Хмельницкий урамӗнче патрульте пулнӑ. Вӗсем ҫул хӗрринче грузовик ларнине, вӑл ытти машинӑна ҫӳреме чӑрмантарнине асӑрханӑ. Ун патне пынӑ та - водитель тӑнне ҫухатма пуҫланӑ, аран калаҫнӑ.
Инспектрсем васкавлӑ медпулӑшу чӗннӗ. Тухтӑрсем киличчен арҫынна медпулӑшу панӑ, машинине ҫул ҫинчен куҫарнӑ. Кайран арҫыннӑн тӑванӗсемпе ҫыхӑннӑ.
Халӗ водителӗн сывлӑхӗ йӗркеллех.
Паян Шупашкарта "Солнечный" микрорайонта подъезд умӗнче ҫамрӑк арҫын виллине тупнӑ. Ӑна 16 сехет ҫурӑра асӑрханӑ.
Халӑх корреспонденчӗ "Про Город" хаҫата пӗлтернӗ тӑрӑх, вӑл 12-мӗн хутран ӳксе вилнӗ. Вырӑна полицейскисемпе васкавлӑ медпулӑшу ҫитнӗ.
Инкек Хӗвеллӗ урамри 14-мӗш ҫуртӑн 3-мӗш корпусӗнче пулнӑ.
Паян Шупашкарти Эгер бульварӗнчи 22-мӗш ҫуртра пушар пулнине пӗлтернӗччӗ. Аса илтерер: 10 сехет те 15 минутра 8-мӗш хутри хваттерте тӗтӗм тухни пирки пушарнӑйсене пӗлтернӗ. 10 сехет те 58 минутра пушара алхасма чарнӑ.
Пушарнӑйсем ҫитиччен коридорта тӗтӗм сарӑлнӑ. Ҫынсене ятарлӑ пусмапа эвакуциленӗ. Пӗтӗмпе – 10 ҫынна, вӗсен йышӗнче 2-шӗ – ачасем.
Ҫуннӑ хваттерте 1949 ҫулта ҫуралнӑ хӗрарӑм пурӑннӑ. Вӑл вилнӗ. Малтанлӑха пӗлтернӗ тӑрӑх, тӗтӗмпе наркӑмӑшланнӑ. Специалистсем хальлӗхе шутланӑ тӑрӑх, ҫулӑм электропралука пула тухнӑ.
Чӑваш Енре вытрезвитель уҫасси пирки тахҫанах калаҫма пуҫланӑччӗ. Хӑҫан пулӗ вӑл?
ЧР Элтеперӗ Олег Николаев ӑна кӑҫалах уҫасси пирки каланӑ. Вӑл куншӑн яваплӑ ведомствӑсене нарӑс уйӑхӗн 17-мӗшӗччен вытрезвитель ӑҫта пулассине палӑртма хушнӑ. «Пуш уйӑхӗн пусламӑшӗччен пирӗн вӑл мӗнле пулассин планне татӑклӑн пӗлмелле», - тенӗ Олег Алексеевич.
Сӑмах май, хӑш-пӗр регионта вытрезвительсем ӗҫлеҫҫӗ. Вӗсем ӳсӗр тата шӑнса кӳтнӗ ҫынсене пулӑшаҫҫӗ.
Паян Шупашкарта общежитире пушар тухнӑ. Хальхинче - Эгер бульварӗнчи 22-мӗш ҫуртра.
Пушар пирки 10 сехет иртсен пӗлтернӗ. 10 сехет 58 минутра пушарнӑйсем ҫулӑма алхасма чарнӑ.
Малтанлӑха пӗлтернӗ тӑрӑх, 8-мӗш хутри хваттер ҫуннӑ. Пушарнӑйсем унта алӑка ҫӗмӗрсе кӗнӗ. Ҫынсене пусмапа эвакуациленӗ: аслӑ ӳсӗмри 8 ҫынна тата 2 ачана ҫапла урама илсе тухнӑ. Шел те, 1 ҫын вилнӗ.
Аса илтерер: ҫулталӑк пуҫламӑшӗнче Илбеков урамӗнчи ҫурт ҫуннӑччӗ. Унта 17-ри хӗр сӗрӗмпе наркӑмӑшланса вилнӗ.
Шупашкарта пурӑнакан 39-ти арҫын ывӑлӗшӗн алимент тӳлеменшӗн 2021 ҫулта административлӑ майпа явап тытнӑ. Вӑл 40 сехет ӗҫлесе татнӑ.
Анчах кун хыҫҫӑн та арҫын алимента туллин тӳлемен, кӑштахшар кӑна укҫа куҫарса тӑнӑ. Унӑн яланхи ӗҫ вырӑнӗ пулман, ҫӗнӗ ӗҫе вырнаҫсан та яланах кун пирки тивӗҫлӗ органсене пӗлтермен, тупӑшне пытарса укҫипе хӑй пӗлнӗ пек усӑ курнӑ. Ҫапла унӑн 505 пин тенкӗ парӑм пухӑннӑ.
Пуҫиле ӗҫ пуҫарсанах арҫыннӑн алимента туллин парса татма май тупӑннӑ.
+7.3 °C